Header Ads

மருத்துவமனையின் அலட்சியம்; பிரேத பரிசோதனைக்கு வைத்திருந்த பெண் சடலத்தை சாப்பிட்ட நாய்

லக்னோவில் பிரேத பரிசோதனை செய்வதற்காக வைத்திருந்த பெண் சடலத்தை தெருநாய் சாப்பிட்ட சம்பவம் பேரதிர்ச்சியை ஏற்படுத்தியுள்ளது. உத்திரபிரேதச மாநிலம் லக்னோவில் ராம் மனோகர் லோகியா என்ற பிரபல மருத்துவமனை உள்ளது. 


இங்கு கடந்த சில தினங்களுக்கு முன், பெண் ஒருவர் புட் பாய்சன் காரணமாக அனுமதிக்கப்பட்ட நிலையில், சிகிச்சை பலனின்றி இறந்து போனார். இவருடைய சடலத்தை அங்குள்ள ஊழியர்கள் பிரேத பரிசோதனைக்காக பிணவறையில் வைத்திருந்தனர். இந்நிலையில், இன்று தெரு நாய் ஒன்று சர்வ சாதரணமாக பிணவறைக்குச் சென்று, இந்த பெண்ணின் உடலை கடித்து குதறி சாப்பிட்டுள்ளது. 


எப்போதும் விழிப்பு நிலையில் இருக்க வேண்டிய மருத்துவமனை ஊழியர்களின் கவனக்குறைவால் ஏற்பட்ட இந்த சம்பவம், பெரும் பரபரப்புக்கு உள்ளாகியது. இது குறித்து ராம் மனோகர் லோகியா மருத்துவமனையின் இயக்குனர் தேவேந்திர சிங் நெகி கூறுகையில், ஊழியர்களின் அலட்சியமே இதற்கு காரணம் என்றும். இந்த சம்பவத்தில் தொடர்புடைய பிணவறை காவலர், வார்டு நபர், சூப்பரவைசர் ஆகியோர் சஸ்பெண்டு செய்யப்பட்டுள்ளதாகவும் கூறினார். 


மேலும், சம்பவம் குறித்து விசாரனைக்கு உத்தரவிடப்பட்டுள்ளதாகவும், இனி வரும் காலங்களில் இது போன்று கவனக்குறைவாக செயல்படும் ஊழியர்கள் கடுமையாக தண்டிக்கப்படுவார்கள் என்றும் கூறினார். ஊழியர்களின் இந்த அலட்சியம் குறித்து பொதுமக்கள் கூறுகையில், நடந்த சம்பவம் புதிதல்ல என்றும் ஏற்கனவே இது போன்ற பல அலட்சிய நிகழ்வுகள் அரங்கேறியுள்ளன என்றும் கூறினர். இந்தியாவில் மருத்துவமனை நிர்வாகத்தின் அலட்சியத்தால், தினந்தோறும் உயிர்பலி அதிகரித்து வரும் சம்பவங்களும், ஆம்புலன்ஸ், அமரர் ஊர்த்தி வழங்காமல் இருப்பதும் தொடர்கதையாகி கொண்டிருக்கிறது.

No comments:

உங்கள் காமென்ஸ்சை இங்கே எழுதுங்கள்

Powered by Blogger.