டோன் ஷூட் மீ டார்லிங்: கிளி சொன்னதால் கொலை பற்றி அறிந்த பொலிசார் அதிர்ச்சி

தனது கணவரை துப்பாக்கியால் சுட்டுக் கொன்ற பெண்ணுக்கு கிளியின் ‘சாட்சியத்தின்’ பின் நடைபெற்ற வழக்கில் ஆயுள் தண்டனை கிடைத்துள்ள சம்பவம் பெரும் பரபரப்பை தோற்றுவித்துள்ளது. அமெ­ரிக்­காவின் மெக்ஸிக்கன் மாநி­லத்தைச் சேர்ந்த கிளெனா துராம் எனும் இப்பெண், மற்றும் அவரது கணவர் மார்ட்டின் துராம் ஆகியோர் ரத்தவெள்ளத்தில் கிடந்தார்கள். இவ்­வி­ரு­வ­ரையும் யாரோ கொன்­றுள்­ள­தா­கவே முதலில் பொலிஸார் எண்­ணினர். எனினும், ஒரு மணித்­தி­யா­லத்தின் பின்னர் கிளெனா துராம் உயி­ருடன் இருப்­பதை பொலிஸார் உணர்ந்­தனர்.

தனது முன்னாள் கண­வ­ருக்கும் தனது பிள்­ளை­க­ளுக்கும் கிளெனா எழு­திய தற்­கொலை குறிப்­பொன்றும் கண்­டு­பி­டிக்­கப்­பட்­ட­தை­ய­டுத்து கிளெனா மீது பொலி­ஸா­ருக்கு சந்தேகம் ஏற்­பட்­டது. தனது கணவர் மார்ட்­டினை தான் கொல்­ல­வில்லை என பொலி­ஸா­ரிடம் கூறிய கிளெனா, தற்­கொலை குறிப்­பு­களை எழு­தி­ய­தா­கவும் தனக்கு நினை­வில்லை என்றார். காயத்தின் பின் வைத்­தி­ய­சா­லையில் விழித்­தெழும்பும் வரை நடந்­தவை எதுவும் தனது நினைவில் இல்லை என்றார். எனினும், மார்ட்டின் துராம் கொல்­லப்­பட்ட பின்னர் இவர்­களின் வீட்­டி­லி­ருந்து கிளி­யொன்றை அவரின் முன்னாள் மனை­வி­யான கிறிஸ்­டினா கெல்லர் தனது வீட்­டுக்கு எடுத்துச் சென்­றி­ருந்தார். தனது வீட்­டுக்கு கொண்­டு­வ­ரப்­பட்ட கிளி, “சுட வேண்டாம்” என அடிக்­கடி கூறிக்கொண்டிருந்­ததைக் கேட்டு கிறிஸ்­டினா வியப்­ப­டைந்தார். துராம் மார்ட்­டினின் குரலின் சாயலில் இக்­கிளி பேசி­யது.

டார்லிங் டோன் ஷூட் மீ என்று அது அடிக்கடி கூறியது. இச்சம்பவம் இடம்பெற முன்னர் கடைசியாக துராம பேசிய வார்த்தைகள் இவை தான். இதனை ஆதாரமாக வைத்தே பொலிசார் இந்த வழக்கை நகர்த்தினார்கள். கிளி அடிக்கடி கூறிவந்த வார்த்தைகளை வைத்து பொலிசார் நடத்திய விசாரணையில், தூரானையும் சுட்டுக் கொன்று, தானும் தற்கொலை செய்ய மனைவி முயன்றுள்ளமை தெரியவந்துள்ளது. இதில் கிளி நீதிபதிக்கு முன்னால் சாட்சியாக , இந்த வசனத்தை சொல்லிக் காட்டியுள்ளது. இதனை ஏற்றுக்கொண்ட நீதிபதி, கிளெனாவுக்கு தண்டனை வழங்கியுள்ளார்.