Header Ads

காட்டு யானைக்கு புகைப்பழக்கமா? திகைக்கும் வனவிலங்கு ஆர்வலர்கள்..

காட்டு யானை ஒன்று வாயிலிருந்து புகையை உமிழும் காணொளி இந்தியாவிலுள்ள வனவிலங்கு வல்லுநர்களை திகைக்க வைத்துள்ளது.

வனவிலங்கு பாதுகாப்பு சங்கத்தை சேர்ந்த வினய் குமார் என்ற ஓர் ஆராய்ச்சியாளர் இந்த 48 விநாடிகள் ஓடும் காணொளியை 2016 ஆம் ஆண்டு கர்நாடக மாநிலத்தில் அலுவல் ரீதியாக மேற்கொண்டிருந்த பயணத்தின்போது நாகர்ஹோல் வனப்பகுதியில் எடுத்துள்ளார்.

இதன் முக்கியத்துவம் தெரியாதததால் அப்போதே இந்த காணொளியை வெளியிடவில்லை என்று பிபிசியிடம் வினய் குமார் தெரிவித்துள்ளார்.

காட்டு யானை ஏன் புகையை உமிழ்கிறது என்பது புரியவில்லை என்கின்றனர் விஞ்ஞானிகள்.

ஒரு காட்டு யானை இதுபோன்ற செய்கையில் ஈடுபடுவது போன்ற காணொளி வெளியாவது இதுவே முதல்முறை என்றும், இந்த காணொளி வல்லுநர்களை ஆச்சரியப்படுத்தியுள்ளது என்றும் வனவிலங்கு பாதுகாப்பு சங்கம் செய்திக்குறிப்பில் தெரிவித்துள்ளது.

No comments:

உங்கள் காமென்ஸ்சை இங்கே எழுதுங்கள்

Powered by Blogger.